"Вест Хэм"нинг бразилиялик ярим ҳимоячиси Лукас Пакета ёзги трансферлар даврида клубини ўзгартириши мумкин.
Globo Esporte хабарига кўра, Пакета январда "болғачилар" сафини тарк этмайди, аммо у келаси ёзда жаҳон чемпионатидан кейин кетишга умид қилмоқда. Маълумки, "Вест Хэм" ўз хавбеки учун 60 миллион евро олмоқчи. Пакетанинг ўзи ўтган ёзда "Фламенго"га қайтиши мумкин эди, аммо "Вест Хэм"га ҳурмати учун трансферни талаб қилмади.
Англия Премьер-лигасининг жорий мавсумида 28 ёшли ярим ҳимоячи 11 та учрашувда 3 та гол уришга муваффақ бўлди. Футболчининг клуб билан шартномаси 2027 йилнинг ярмигача мўлжалланган.
