Италиянинг "Милан" клуби собиқ футболчиси, даниялик ҳимоячи Симон Кьяер ҳамон собиқ жамоадоши - португалиялик ҳужумчи Рафаэль Леаунинг салоҳиятига ишонмоқда.
Кьяер Массимилиано Аллегри унга ниҳоят тўлиқ куч билан, энг муҳими - барқарор ўйнашга ёрдам беришига умид қилмоқда.
"Рафа дунёдаги энг яхшилардан бирига айланиши мумкин. Ҳали ҳам мумкин. Дембелега қаранг, унга ёрдам беришга тайёр бўлган мураббийни учратганида "Олтин тўп"ни қўлга киритди. Аллегри ҳам Леаунинг ривожланишига ёрдам бериши мумкин, у ҳозир 26 ёшда, уч йилдан кейин жуда кеч бўлади. Ёки ҳозир, ёки ҳеч қачон," - дея Кьяернинг сўзларини келтиради pianetamilan.it.
Леау 2019 йилдан бери "Милан" шарафини ҳимоя қилмоқда.
