Лондоннинг "Арсенал" клуби марказий ҳимоячиси Габриэль дос Сантос Бразилия терма жамоасининг Сенегалга қарши ўртоқлик ўйинида жароҳат олди.
27 ёшли футболчи шанба кунги баҳснинг 64-дақиқасида мажбурий тарзда захирага олинди. Indykaila News хабарига кўра, "Арсенал" вакиллари ўз юлдузининг жароҳатидан хавотирда - клубдагилар муаммо жиддий тус олиши мумкинлигидан хавотирда. Якшанба куни тиббий кўрикдан ўтиш режалаштирилган.
18 ноябрь, сешанба куни Карло Анчелотти жамоаси иккинчи ўртоқлик ўйинини ўтказади - рақиб Тунис терма жамоаси бўлади.
23 ноябрь куни "Арсенал" Премьер-лига доирасида "Тоттенхем"га қарши майдонга тушади.
