Англия терма жамоаси ва "Бавария" ҳужумчиси Харри Кейн ҳозирги даражасини баҳолади.

32 ёшли футболчи жорий мавсум мюнхенликлар сафида 17 та ўйинда 23 та гол ва 3 та ассистни ўз ҳисобига ёздириб қўйди.

"Эҳтимол, менинг ҳозирги версиям фаолиятимдаги энг яхшисидир. Илгари ҳам яхши ҳолатлар бўлган, аммо жисмоний ҳолат, руҳий ҳолат, самарадорлик ва ўйинга жалб этилганлик омилларини ҳисобга олсак, ҳозир ҳар қачонгидан ҳам кучлироқман. "Бавария" жуда қулай. Бу мавсум ҳозирча ажойиб ўтмоқда," - дея Кейннинг сўзларини келтиради The Touchline.