"Манчестер Юнайтед" ҳужумчиси Брайан Мбеумо жамоадошлари орасидаги энг яқин дўстлари ҳақида гапирди.
Камерунлик футболчи "қизил иблислар" сафига жорий йилнинг ёзида "Брентфорд"дан кўчиб ўтганди. Трансфер қиймати 75 млн еврони ташкил этган.
"Манчестер Юнайтед"даги энг яхши дўстларим? Жамоадаги барча билан яхши муносабатдаман, аммо Лени Йоро ва Амад Диалло билан энг яхши мулоқотдаман," - дея 26 ёшли форварднинг сўзларини келтиради UtdDistrict.
Рубен Аморим жамоаси сафида Мбеумо 12 та ўйинда майдонга тушиб, 6 та гол ва 1 та голли узатмага муаллифлик қилган. Манкунианликларнинг янги футболчиси Премьер-лигада ўтган ойнинг энг яхши футболчиси деб топилди.
