"Арсенал"нинг таниқли собиқ футболчиси Жилберто Силва клуб "Реал"дан Родриго номзодига қайтиши керак, деб ҳисобламоқда.

Вингер ҳамон "қаймоқранглилар"нинг асосий таркибига кира олмаяпти, шунинг учун унинг кетиши ҳақидаги миш-мишлар тинмаяпти.

"Родриго нафақат чап қанотда, балки ҳужумда бошқа позицияларда ҳам ўйнашга қодир. Нима учун "Арсенал" уни сотиб олиш имкониятини яна бир бор кўриб чиқмаслиги керак? Агар у "Реал"даги ҳолатидан норози бўлса, уни ўз томонига оғдириб олиш мумкин.

Масала фақат унинг қанчалик тез мослаша олишида. Эҳтимол, бир неча йил олдин "Арсенал" таркибига дарҳол мослаша оладиган футболчини топиш осонроқ эди. Ҳозир сен яхши бўлсанг ҳам, бу жуда қийин," - дея Силванинг сўзларини келтиради Arsenal News Channel.

Ёзда "канонирлар" Родригога асосий даъвогарлардан бири сифатида кўрилганди, аммо у Мадридда қолишга қарор қилди.