Бельгия терма жамоасининг юлдуз вингери Жереми Доку ЖЧ-2026 саралаш босқичи доирасида Қозоғистонга қарши сафар баҳсида жамоанинг ўйинидан норози бўлди. Учрашув 1:1 ҳисобидаги дуранг билан якунланди.
"Балки омад биз томонда эмасдир. Лекин бизда самарадорлик суст. Бу Шимолий Македония билан ўйинда ва ҳозир Қозоғистонга қарши бўлган учрашувда кўринди. Биз бунга рози бўла олмаймиз. Агар Бельгия де Брюйне, Лукаку ва Куртуасиз ғалаба қозона олмаса, унда мундиалда қиладиган ишимиз йўқ," - деди Доку.
Еттита саралаш ўйинидан сўнг Бельгия 15 очко билан саралаш гуруҳида пешқадамлик қилмоқда.













