Вингер Ян Виргили жорий йилнинг август ойида "Барселона"ни тарк этиб, "Мальорка"га ўтган эди. Спорт директори Деку 19 ёшли умидли футболчини жамоада сақлаб қолмоқчи эди, бироқ испанияликнинг ўзи уни сотишни талаб қилди, деб хабар беради Diario AS. Футболчи ўзининг даражасини аллақачон "кўк-анорранглилар"нинг иккинчи жамоасидан юқорироқ деб ҳисоблайди, шунинг учун у Ла Лиганинг бошқа клубига ўтишга қарор қилди.
"Барселона" Ян Виргилининг трансферидан 3,5 млн евро ишлаб олди. Каталония гранди академияси битирувчисининг ҳозирги нархи Transfermarkt портали томонидан 10 млн еврога баҳоланмоқда. Жорий мавсумда футболчи "Мальорка" сафида Испания олий дивизионининг еттита ўйинида иккита самарали узатмани амалга оширди.
