Словакия терма жамоаси ҳимоячиси Давид Ганцко ЖЧ-2026 саралашидан ўрин олган Германияга қарши ўйиндан нималар кутаётгани ва бу учрашув жамоаларнинг Братиславадаги аввалги ўйинидан фарқ қилишини айтиб ўтди.
Ганцконинг сўзларига кўра, биринчи ўйиндаги ғалаба словакияликларга ишонч қўшган, бироқ энди босим майдон эгаларига бўлади.
"Биз Братиславадагидан бутунлай бошқача ўйинни кутмоқдамиз. Ўша ғалаба бизга ишонч бағишлади - энди бутун босим немис жамоасида бўлади. Жума куни Шимолий Ирландияни мағлуб этсак, кейинги ўйин биз учун ҳал қилувчи ўйин бўлишини билардик", - деди ҳимоячи.













