"Интер Майами" ҳужумчиси Луис Суарес қийин болалиги ҳақида гапирди.
- Болалигингизда ҳаётингиз қандай бўлган?
- Жуда қийин ва мураккаб. Биз олтита ака-ука ва опа-сингил эдик, ҳаммамизни боқиш қийин эди.
Ота-онамиз ажрашиб кетишди, онам бир ўзи савдо марказида ишлар, ҳожатхоналарни тозаларди. 9-10 ёшимда у ишлаб топган пулни еб-ичишимиз, бирор нарса харид қилишимиз учун олиб келишга мажбур бўлдим.
Доимий равишда кўплаб қийинчиликлар бўлди. Уйга пул олиб келиш учун машиналарни ювдим. Ўша пайтда одамлар телефон карталарини ишлатиб бўлгач, кўчаларда ташлаб кетишарди. Уларни сотиб олиб, йиғиб юрадиган одам бор эди. Бориб қарта йиғиб, унга сотардим.
Болалигимда кўп нарсани қурбон қилдим ва бундан афсусланмайман, чунки тирик қолиш ва қорин тўйдириш учун уддабурон бўлишим керак эди. Мен буни қадрлайман", - деди "Ливерпуль" "Барселона," "Атлетико" ва Уругвай терма жамоасининг собиқ форварди.
