Каталониянинг "Барселона" клуби "Атлетик Бильбао"га қарши ўйинни "Камп Ноу"да ташкил этиш учун барча саъй-ҳаракатларни амалга оширмоқда. Бу ҳақда Жерар Ромеро хабар берди.
Манбага кўра, клуб аллақачон журналистларни ўйинни у ерда ўтказиш режалари ҳақида хабардор қилган ва Ла Лигага 1B тоифали лицензия учун расмий ариза топширган, бу эса стадион сиғимини 27 000 дан 45 000 гача оширади. Стадион қурилиши давом этар экан, сиғим янада оширилади.
Ҳамма Ла Лиганинг жавобини кутмоқда. Агар барчаси ижобий бўлса, 22 ноябрь куни "Барса" "Камп Ноу"га қайтади.













