Ҳужумчи Эндрик "Реал"дан "Лион"га ижара асосида ўтишга тайёрланаётгани ҳақида янги тафсилотлар маълум бўлди.
Аввалроқ, "Реал Мадрид" 19 ёшли форвардни 2026 йилнинг июнигача "Лион"га сотиб олиш ҳуқуқисиз қўйиб юборишга рози бўлгани, бразилияликнинг атрофидагилар эса аллақачон Франциядан уй қидираётгани ҳақида хабар берилганди. Шартномада, шунингдек, "қаймоқранглилар"га Эндрикни қўйиб юбормаслик ёки ҳужумчилар жароҳат олган тақдирда уни муддатидан олдин қайтариш имкониятини берадиган шартлар ҳам мавжуд.
The Athletic хабарига кўра, мадридликлар Эндрикнинг маошининг бир қисмини тўлаб беради.
Агар Эндрик француз жамоасида маълум миқдордаги ўйинларни асосий таркибда ўтказмаса, "Лион" "Реал"га маълум миқдорда маблағ тўлайди.
