Баҳордаёқ "Ювентус"ни тарк этган ва шундан бери клубсиз юрган Тьяго Мотта Москванинг "Спартак" клубида ишлаш вариантини кўриб чиқмади.
Calciomercato нашрининг маълум қилишича, "қизил-оқлар" сўнгги кунларда эҳтимолий ҳамкорликни муҳокама қилиш умидида воситачилар орқали мутахассисга мурожаат қилишга уринган, бироқ рад жавобини олган.
Сербиялик мураббий Деян Станкович истеъфога чиқарилгач, унинг штабида ишлаган Вадим Романов бош мураббий вазифасини вақтинча ўз зиммасига олди. РПЛнинг якунланган биринчи даврасида москваликлар 25 очко билан олтинчи ўринда бормоқда.
