"Манчестер Сити"нинг испаниялик бош мураббийи Хосеп Гвардиола Каталония терма жамоаси ва Фаластин терма жамоаси ўртасидаги ўйин қандай аҳамиятга эга экани ҳақида гапирди.
"Рамзийлик эътиборни жалб қилишга ёрдам беради, лекин унинг ортида ҳаракатлантирувчи нарса бўлиши керак. Бу жуда рамзий маънога эга. Бугун ҳаммаси маълум ва бу ўйин орқали фаластинликлар дунёнинг улар ҳақида ўйлайдиган қисми борлигини кўришади," - дея Гвардиоланинг сўзларини келтиради Х ижтимоий тармоғидаги Каталониянинг RAC1 радиоси.
Эслатиб ўтамиз, учрашув бугун бўлиб ўтади. Аввалроқ Фаластин терма жамоаси басклар билан ўйнаган эди. Фаластинликлар 0:3 ҳисобида ютқазди.
