Италиялик собиқ футболчи Даниэле Адани ўз уйида норвегияликлардан нақд тўртта тўп ўтказиб юборган Италия терма жамоасининг муваффақиятсизлиги ҳақида гапирди. Адани плей-офф ўйинлари натижасидан хавотирда эмас ва "скуадра адзурра"ни мундиалда кўришига ишонмоқда, аммо уни жамоанинг ҳолати ташвишга солмоқда.

"Плей-офф ўйинлари бизни хавотирга солмайди, чунки у ерда кучли терма жамоаларга дуч келмаслигимиз керак. Жамоанинг формаси хавотирга солмоқда. Биз жуда заифмиз ва рақиб таклиф қилаётган ўзгаришларга жавоб бера олмаймиз, бу Норвегия билан ўйинда кўринди", - дея Адани сўзларини келтиради pianetamilan.it.

Эслатиб ўтамиз, Евро-2024 мусобақасида ҳам худди шундай манзара кузатилганди - қийинчилик билан турнирга йўл олган Италия терма жамоаси уни муваффақиятсиз якунлаганди.