Черногория терма жамоаси устози Мирко Вучинич Хорватияга қарши ўйин ҳақида фикрларини билдирди. Жаҳон чемпионати саралашининг сўнгги ўйини Хорватиянинг 3:2 ҳисобидаги иродали ғалабаси билан якунланди. 17-дақиқага келиб черногорияликлар 2:0 ҳисобида олдинда бораётган эди.
"Ўйлайманки, биз жуда яхши ўйин ўтказдик, ўзимизга бўлган ишонч учун яхши, кучли жамоалар билан ўйнай олишимиз кўриниб турарди. Ёндашув ажойиб эди, лекин биз ютқаздик. Ягона муаммо - ўйиндаги танаффуслар, бунга йўл қўймаслигимиз керак. Қачонки биз 100% боримизни бермасак, қачонки кимдир югурмаса - аҳвол чатоқ! Кўп ишлаш керак ва мен аллақачон йигитларга кичик деталлар муҳимлигини айтдим," - дея Вучиничнинг сўзларини келтиради Sportklub.
Черногорияликлар Гибралтардан (0 очко) ўзиб кетиб, 9 очко билан гуруҳда тўртинчи ўринни эгаллади. Фарер ороллари ҳисобида 12, Чехияда 16, Хорватияда 22 очко бор.
