Chernogoriya terma jamoasi ustozi Mirko Vuchinich Xorvatiyaga qarshi o‘yin haqida fikrlarini bildirdi. Jahon chempionati saralashining so‘nggi o‘yini Xorvatiyaning 3:2 hisobidagi irodali g‘alabasi bilan yakunlandi. 17-daqiqaga kelib chernogoriyaliklar 2:0 hisobida oldinda borayotgan edi.
"O‘ylaymanki, biz juda yaxshi o‘yin o‘tkazdik, o‘zimizga bo‘lgan ishonch uchun yaxshi, kuchli jamoalar bilan o‘ynay olishimiz ko‘rinib turardi. Yondashuv ajoyib edi, lekin biz yutqazdik. Yagona muammo - o‘yindagi tanaffuslar, bunga yo‘l qo‘ymasligimiz kerak. Qachonki biz 100% borimizni bermasak, qachonki kimdir yugurmasa - ahvol chatoq! Ko‘p ishlash kerak va men allaqachon yigitlarga kichik detallar muhimligini aytdim," - deya Vuchinichning so‘zlarini keltiradi Sportklub.
Chernogoriyaliklar Gibraltardan (0 ochko) o‘zib ketib, 9 ochko bilan guruhda to‘rtinchi o‘rinni egalladi. Farer orollari hisobida 12, Chexiyada 16, Xorvatiyada 22 ochko bor.
