"Ан-Наср"нинг хорватиялик ярим ҳимоячиси Марсело Брозович Италия чемпионатига қайтиши мумкин. Бу ҳақда журналист Экрем Конур маълум қилди.
Манбага кўра, вазиятни "Ювентус" кузатиб бормоқда, аммо Брозовичнинг 25 миллион евро миқдоридаги йиллик маоши жиддий тўсиқ бўлиб турибди.
Шунингдек, 33 ёшли хорватиялик футболчига "Милан," "Рома" ва "Интер" клублари ҳам қизиқиш билдирмоқда. У Саудия Арабистонига кетишидан олдин "нерадзуррилар" сафида ўйнаган. Агар хавбек "Ан-Наср" билан шартномани узайтирмаса, Брозовичнинг трансфери январь ойидаёқ амалга ошиши мумкин.
Жорий мавсумда ярим ҳимоячи барча мусобақаларда 13 та ўйинда майдонга тушиб, битта гол урди ва иккита ассистни ўз ҳисобига ёздириб қўйди.
