2022 йилги "Олтин тўп" соҳиби Карим Бензема "Ал-Иттиҳод"даги келажаги борасида ҳали бир қарорга келмаганини тан олди, шунингдек, Европадан таклифлар борлигини айтди.
37 ёшли франциялик ҳужумчининг Саудия клуби билан шартномаси 2026 йилнинг ёзида якунига этади.
"Бу ерда шартномам якунига етмоқда, бу ҳақиқат. Ҳозирча қолишим ёки кетишимни айта олмайман - бу кўп омилларга боғлиқ. Декабрь ойида 38 ёшга тўламан. Ўзимни футболда яна икки йил кўряпман. Жисмоний жиҳатдан яхшиман, кўп ишлайман ва ўйнайман, футболни яхши кўраман, завқ оламан.
Кўрамиз, нима бўларкин, клуб нима деб ўйларкин. Мен учун энг яхшиси шу ерда қолиш, лекин яна бир-икки йил қолиш учунгина эмас. Мен бундай қилолмайман. Саудия Арабистонида футбол даражаси яхшиланиб бормоқда, деб ҳисоблайман. Мен бу ерда уч йилдан бери ишлайман ва у тобора ўсиб бормоқда", деди Карим.
