Фарғонанинг "Нефтчи" клуби 24 йил деганда Суперлигада чемпион бўлишга яқин турибди.
Клуб раҳбарияти узоқ муддатдан сўнг яна жамоани чемпионликка етаклаётган тожикистонлик мураббий Виталий Левченко билан ноябрь охиригача мўлжалланган шартномани узайтириш бўйича ишларни бошлаган.
53 ёшли мутахассис 2022 йилдан буён фарғоналиклар бошқарувида ишламоқда. У жамоа бошқарувида 104 та ўйинда 51 та ғалаба қозонган, 35 бор дуранг ўйнаган ва 18 бор мағлуб бўлган.













