"Манчестер Юнайтед" бош мураббийи Рубен Аморим ўтган мавсум охирида "Борнмут" юлдуз вингери Антуан Семеньо билан Лондонда кечки овқатда учрашиб, унинг характерини баҳолаганлиги айтилмоқда. Бу ҳақда Данкан Кастелс хабар берди.
Манбанинг ёзишича, манкунианликлар спорт раҳбарияти Омар Беррада ва Жейсон Уилкс ҳам "Борнмут" билан суҳбатлашган ва "Юнайтед" ўтган ёзда 55 миллион фунт тўлашга тайёр бўлган.
25 ёшли ганаликнинг товон пули суммаси ҳозирда 65 миллион фунтни ташкил этади.
У жорий мавсумда 12 та ўйинда 6 та гол уриб, 3 та ассист амалга оширди.
