Бирлашган Араб Амирликларида ўтказилган Al Ain Cup ўртоқлик турнири якунланди. Финалда Ўзбекистон Эронга қарши баҳс ўтказди.
Ўйиннинг асосий вақтида 0:0 ҳисоби қайд этилди. Пенальтиларда вакилларимиз аниқроқ ҳаракат қилишди - 4:3.
Ўзбекистон 68-дақиқада Абдуқодир Ҳусановнинг тўғридан-тўғри қизил карточкаси сабаб ўйинни бир киши кам якунлади.
Кеча турнирнинг учинчи ўрин учун ўйинида Миср ҳам Кабо-Вердени пенальтилар сериясида енгган эди.
Al Ain Cup. Финал
Ўзбекистон - Эрон - 0:0, пенальтилар серияси - 4:3
18 ноябрь, 21:00
Ўзбекистон: Абдувоҳид Неъматов, Абдуқодир Ҳусанов, Фарруҳ Сайфиев (Рустам Ашурматов, 88), Отабек Шукуров (Акмал Мозговой, 79), Одил Ҳамробеков, Азиз Ғаниев (Хожимат Эркинов,64), Остон Ўрунов (Жамшид Искандеров,64), Шерзод Насруллаев, Элдор Шомуродов, Абдулла Абдуллаев, Ҳусниддин Алиқулов
Эрон: Алиризо Бейронванд, Солиҳ Ҳардани, Мажид Ҳуссайни, Шожаи Халилзода, Милод Муҳаммади, Саид Иззатуллоҳи (Муҳаммад Горбани,10) Саман Годдос (Али Ризо Кушки, 80), Меҳди Гайеди, Меҳди Тареми, Амирҳуссайн Ҳусайнзода (Муҳаммад Моҳиби,80), Али Алипур
Огоҳлантириш: Фарруҳ Сайфиев (Ўзбекистон) 54
Четлатиш: Абдуқодир Ҳусанов (Ўзбекистон) 68
