Испания терма жамоаси жаҳон чемпионати саралаш босқичидаги сўнгги ўйинини ўтказди, у ғалаба қозона олмади, аммо мағлуб ҳам бўлмади. Турклар билан 2:2 ҳисобида жанговар дуранг қайд этилди.
Шу тариқа, Европа чемпионлари мағлубиятсиз сериясини ўттизта ўйинга етказди ва бу Испания терма жамоаси тарихидаги янги рекорд бўлди. 2010 йилдан 2013 йилгача Висенте дел Боскенинг раҳбарлиги остида ўрнатилган кетма-кет 29 ўйиндан иборат олдинги ютуқ янгиланди.
Эслатиб ўтамиз, Испания терма жамоаси ўз тарихида фақат бир марта, юқорида тилга олинган 2010 йилда жаҳон чемпионлигини қўлга киритган.
