Лондоннинг "Арсенал" клуби "Барселона" қизиқишлари доирасидаги "Леванте" форварди Карл Этта Эйонгни сотиб олишга тайёр. Бу ҳақда Fichajes хабар бермоқда.
Манбага ишонадиган бўлсак, "канонирлар" футболчини "Барселона"дан тортиб олиш учун 40 миллион евролик товон пули бандини фаоллаштирмоқчи. Шу билан бирга, "Арсенал" Эйонгни мавсум охиригача "Леванте"да ижара асосида қолдиришни режалаштирмоқда.
Жорий мавсумда 22 ёшли камерунлик футболчи Испания чемпионатининг 12 ўйинида қатнашиб, 6 марта рақиблар дарвозасини ишғол қилган. Бундан ташқари, ҳужумчи ҳисобида учта самарали узатма бор.
