"Борнмут" вингери Антуан Семеньо қишки трансфер ойнасида "Манчестер Юнайтед"га ўтиши даргумон. Бу ҳақда The Athletic хабар бермоқда.
Манбага кўра, "қизил иблислар" бош мураббийи Рубен Аморим Семеньони яхши кўради, аммо клуб январь ойида "Борнмут"нинг молиявий талабларини қондириши осон бўлмайди. Қайд этилишича, Семеньо билан тузилган шартномада 73,5 млн евро товон пули белгиланган.
Англия премьер-лигасининг жорий мавсумида 25 ёшли Семеньо 11 та ўйинда майдонга тушиб, 6 та гол урди ва 3 та голли узатмани ўз ҳисобига ёздириб қўйди.
Вингернинг "Борнмут" билан амалдаги меҳнат шартномаси 2030 йилнинг ярмигача мўлжалланган.
