«Арсенал» «Ливерпуль» ҳужумчиси Луис Суарес учун янги таклиф билан чиқди. Бу ҳақда Goal.com интернет нашри хабар тарқатди.
Уругвай терма жамоаси ҳужумчиси учун 35 миллион фунт стерлинг бермоқчи. Шунингдек турли бонуслар эвазига «Ливерпуль» бу трансфердан 7 миллион фунт ишлаб олиши мумкин бўлади.
Маълумот ўрнида «Ливерпуль» лондонликларнинг дастлабки таклифини (30+5 миллион фунт) рад этишганди.
Футболчининг шартномасини бекор қилиш учун тўланадиган сумма 40 миллион фунт стерлингни ташкил қилади. Эслатиб ўтамиз, Суарес дисквалификация туфайли мавсумнинг дастлабки олти учрашувини ўтказиб юборади.