Алекс Гримальдо "Байер"ни тарк этиши мумкин.
Журналист Маттео Моретто 30 ёшли ҳимоячи яна Испанияга ўтишга фаол қизиқиш билдираётганини тасдиқлади. У "Бавария" футболчининг ҳолатини кузатиб бораётганини таъкидлаб ўтди, шунингдек, агар қарор қабул қилиш вақти келса, футболчининг ўзи "Испанияга қайтишни афзал кўриши"га аниқлик киритди.
Алехандро Бальденинг ривожланишини баҳолаётган "Барселона" Гримальдонинг аҳволини кузатиб бормоқда, аммо ҳозирча аниқ қадамлар қўйилмаган.
Мореттонинг қўшимча қилишича, "Байер" ўзининг энг яхши ўйинчиларидан бирининг "Бавария"га ўтишини истамайди, шунинг учун потенциал трансфер бевосита Ла Лига билан боғлиқ бўлади. Бундан ташқари, у клуб ва футболчи ўртасидаги муносабатлар аъло даражада эканлигига ишонтирди: "Агар Гримальдо қачондир Испанияга қайтиш истагини билдирса, ҳеч бир томон бу ҳаракатга халақит бермайди".
Эслатиб ўтамиз, Гримальдо аввалроқ "Барселона Б"да ўйнаган; испаниялик футболчи "кўк-анорранглилар"нинг тарбияланувчиси саналади.
