Уэйн Руни жорий Премьер-лиганинг энг яхши футболчиларини айтиб ўтди.
"Манчестер Юнайтед"нинг собиқ ҳужумчисидан энг яхши уч ўйинчини танлаш сўралган.
"Семеньо. Менимча, у "Борнмут" учун ажойиб ўйнади ва ўтган мавсумда кўрсатган формасини сақлаб қолди.
Мен Брайан Мбемони ҳам айтаман. У "Манчестер Юнайтед"да жуда яхши ҳаракат қилмоқда, гарчи мавсум бошланиши қийин бўлган бўлса ҳам. Менимча, у жуда яхши.
Менинг учинчи танловим Виктор Дьёкереш бўлиши мумкин. "Арсенал"га бир неча йиллардан бери "тўққизлик" ҳужумчи керак эди, энди эса Дьёкереш келди. Унинг иш аҳлоқи, қатъияти, тўпни ушлаб туриш қобилияти – ҳаммаси яхши ва у бир неча гол урди.
Булар менинг энг яхши учталигим" - деди Руни Amazon Prime Video билан суҳбатда.
