"Фенербахче" ҳужумкор ярим ҳимоячиси Марко Асенсиога Европанинг бир қатор клублари қизиқиш билдирмоқда. Бу ҳақда журналист Экрем Конур хабар бермоқда.
Манбага кўра, "Милан" испаниялик футболчини ўз сафига қўшиб олмоқчи, аммо "Фенербахче" уни сотмоқчи эмас. "Рома" ва "Севилья" ҳам вазиятни кузатмоқда, аммо "Фенербахче"нинг позицияси аниқ: январда сотиш режалаштирилмаган. Бундан ташқари, футболчининг ўзи ҳам клубни тарк этиш истагини билдирмаган.
Асенсио ўтган ёзда турк жамоаси аъзосига айланганди. Ўшандан бери 29 ёшли хавбек барча мусобақаларда 12 та учрашувда майдонга тушиб, 4 та гол урди ва 1 та ассистни ўз ҳисобига ёздириб қўйди.
