Ла Лиганинг навбатдаги турида "Атлетик" Бильбаога қарши кечадиган ўйинда дарвозабон Жоан Гарсия ва вингер Ламин Ямал илк дақиқалардан майдонга тушишга тайёр.
Иккала футболчи ҳам жароҳатларини даволашди. Catalunya Radio хабарига кўра, агар режалаштирилмаган ҳеч нарса содир бўлмаса, шанба куни Ханс-Дитер Флик иккаласини ҳам асосий таркибда туширади.
Эслатиб ўтамиз, Ламин Ямал халқаро танаффус бошланиши арафасида майдонга туша олмади ва шу сабабли Испания терма жамоасининг ноябрь ойидаги учрашувларини ўтказиб юборди.
Жоан Гарсия сентябрь ойи охиридан бери жароҳати туфайли сафдан чиққан эди. "Барселона" Ла Лига 12-туридан кейин турнир жадвалида 2-ўринда бормоқда.
