"Манчестер Юнайтед" яримҳимоячиси Кобби Майну январь ойида Италияга кўчиб ўтиши мумкин.

20 ёшли футболчи доимий ўйин амалиётига эга бўлиш учун ижарага кетмоқчи. La Gazzetta dello Sport хабарига кўра, англиялик футболчи "Наполи"га кўчиб ўтишни ва "қизил иблислар" сафида бирга тўп сурган Скотт Мактоминай ва Расмус Ҳейлундга қўшилишни жуда хоҳламоқда.

Италиянинг амалдаги чемпиони раҳбарияти истиқболли хавбекни январь ойи учун устувор трансфер мақсади сифатида белгилаган.

Маълумот учун, Кобби Майну жорий мавсум "Манчестер Юнайтед" сафида 8 та ўйинда майдонга тушди. Transfermarkt сайтидаги футболчининг тахминий нархи - 45 млн евро.