"Эл-класико"даги муваффақиятсизлик "Барселона" вингери Ламин Ямалга қаттиқ таъсир қилди.
18 ёшли футболчи "қаймоқранглилар"га қарши ўйин олдидан "Реал" ҳақида кескин гаплар айтган эди. Учрашув мадридликларнинг ғалабаси билан якунланди (2:1), "кўк-анорранглилар"нинг ёш юлдузи эса ўзини кўрсата олмади. Ўйин якунланганидан сўнг у майдонда "Реал" футболчилари билан жанжаллашиб ҳам кетди. Mundo Deportivo хабарига кўра, "Сантьяго Бернабеу"даги мағлубиятдан сўнг, Ямал ва унинг атрофидагилар камроқ кўриниш беришга ва ижтимоий тармоқлардаги фаолликни камайтиришга қарор қилишган. Қайд этилишича, ёш юлдузга Ники Никол билан ажрашиш ҳам таъсир қилган, бу осон бўлмаган.
Жорий мавсумда Ламин Ямал "Барса" сафида 11 та ўйинда 6 та гол ва 6 та голли узатмага муаллифлик қилди.
