"El-klasiko"dagi muvaffaqiyatsizlik "Barselona" vingeri Lamin Yamalga qattiq ta’sir qildi.

18 yoshli futbolchi "qaymoqranglilar"ga qarshi o‘yin oldidan "Real" haqida keskin gaplar aytgan edi. Uchrashuv madridliklarning g‘alabasi bilan yakunlandi (2:1), "ko‘k-anorranglilar"ning yosh yulduzi esa o‘zini ko‘rsata olmadi. O‘yin yakunlanganidan so‘ng u maydonda "Real" futbolchilari bilan janjallashib ham ketdi. Mundo Deportivo xabariga ko‘ra, "Santyago Bernabeu"dagi mag‘lubiyatdan so‘ng, Yamal va uning atrofidagilar kamroq ko‘rinish berishga va ijtimoiy tarmoqlardagi faollikni kamaytirishga qaror qilishgan. Qayd etilishicha, yosh yulduzga Niki Nikol bilan ajrashish ham ta’sir qilgan, bu oson bo‘lmagan.

Joriy mavsumda Lamin Yamal "Barsa" safida 11 ta o‘yinda 6 ta gol va 6 ta golli uzatmaga mualliflik qildi.