Манбанинг ёзишича, "Реал" ҳужумчи Гонсало Гарсияни бошқа жамоага ижарага олиш имкониятини кўриб чиқмоқда.
Қайд этилишича, мадридликлар дастлабки таклифни қабул қилиб бўлган. Гарсия хизматига "Хетафе" қизиқиш билдирмоқда. "Қаймоқранглилар" бу вариантга ижобий қарамоқда. "Реал" спорт менежментининг фикрича, "Хетафе" футболчи учун идеал рақобат муҳитини таклиф қилмоқда.
Гонсало Гарсия "Реал" академияси тарбияланувчиси ҳисобланади. Испания гранди либосида форвард Ла Лигада 12та ўйин ўтказиб, битта голли узатмани амалга оширди. Ҳужумчи клублар ўртасидаги жаҳон чемпионатида ёрқин ўйин кўрсатди.
