"Ливерпуль" посбони Алиссон Бекер майдонга қайтишга ҳозирлик кўрмоқда. Бразилиялик сентябрь ойи охиридан бери майдонга тушмаяпти - ўшанда у Чемпионлар лигаси доирасида Туркиянинг "Галатасарой" клубига қарши ўйинда жароҳат олганди.
Журналист Люис Стилнинг маълум қилишича, 33 ёшли дарвозабон жароҳатини даволатган ва Премьер-лиганинг навбатдаги турида "Ноттингем Форест"га қарши баҳсда майдонга тушиши мумкин. Учрашув шанба куни "Энфилд"да бўлиб ўтади ва Тошкент вақти билан 20:00 да бошланиши режалаштирилган.
Алиссон Бекер жорий мавсум Арне Слот жамоасининг тўққизта ўйинида майдонга тушиб, жами 12та гол ўтказиб юборди ва икки бор дарвозани дахлсиз сақлаб қолди.
