"Ан-Наср" футболчиси Садио Мане Юрген Клопп билан суҳбатдан сўнг "Ливерпуль"га ўтишга қандай қарор қилгани ҳақида гапириб берди.
"Қизиллар" сенегалликни 2016 йилда "Саутгемптон"дан сотиб олган эди. Ҳужумчи мерсисайдликлар сафида олти йил ўйнаб, жаҳон юлдузига айланди ва кўплаб совринларни қўлга киритди.
"Дастлаб Юрген ўтмишда "Боруссия" Дортмундга амалга ошмаган трансфери учун узр сўради, кейин эса шундай деди: "Ливерпуль"да шундай жамоа қурамизки, унга қарши ҳеч ким ўйнашни истамайди. Биз бирга ўсамиз ва сен ҳар бир ўйинда майдонга туша оласан." Ушбу лойиҳанинг бир қисми бўлишни хоҳлардим. Маош, бошқа нарсалар - аҳамияти йўқ, шунчаки ўша ерга ўтмоқчи эдим," - дея Маненинг Рио Фердинандга берган интервьюсидан иқтибос келтиради инглиз ОАВ.
