"Арсенал"нинг афсонавий собиқ ҳужумчиси Тьерри Анри "Тоттенхэм" билан бўладиган дерби ҳақида фикр билдирди.
"Канонирлар"нинг "шпорлар"га қарши уй учрашуви якшанба куни Премьер-лиганинг 12-тури доирасида бўлиб ўтади.
"Авваллари халқаро танаффусдан сўнг дарҳол қийин ўйинларни ўтказишни ёқтирмасдим. Яхшиямки, "Арсенал" ҳам таркибида терма жамоалар ихтиёрига кетган футболчилар кўп бўлган жамоа билан тўқнаш келмоқда. Бу Шимолий Лондон дербиси, кескинлик ҳаддан зиёд бўлади ва "Арсенал"га ҳали сафарда ютқазмаган клуб рақиблик қилади.
Ишончим комилки, барча ўйинчилар тайёр бўлади. Бундай ўйинларда майдонда нима қилиш кераклигини яна бир бор эслатиш шарт эмас", - дея Анрининг сўзларини келтиради Arsenal News Channel.
