Франциялик марказий ҳимоячи Аксель Дисаси Лондоннинг "Челси" клубини тарк этиши мумкин. Бу ҳақда журналист Экрем Конур хабар бермоқда.
Манбага кўра, қишки трансферлар олдидан Дисасига "Галатасарой", "Монако", "Борнмут", "Вест Хэм", "Кристал Пэлас", "Фиорентина", "Ювентус", "Боруссия" Дортмунд ва "Севилья" клублари қизиқиш билдирмоқда. Таъкидланишича, "Челси" футболчи бўйича таклифларга очиқ. "Кўклар" ҳимоячини 25 миллион еврога сотишга ёки ижарага қўйиб юборишга тайёр.
Жорий мавсумда Дисаси асосий жамоа сафида бирор марта майдонга тушмади. Французнинг клуб билан шартномаси 2029 йилгача мўлжалланган. Transfermarkt портали мутахассислари 27 ёшли футболчининг нархини 18 миллион еврога баҳоламоқда.













