“Манчестер Сити” Англия Премьер-лигасидаги навбатдаги сафар ўйини — “Ньюкасл”га қарши муҳим баҳсга тайёргарлик кўрмоқда. Матбуот анжуманида жамоа бош мураббийи Хосеп Гвардиола жамоадаги кадрлар ҳолати ҳақида маълумот берди.

“Ҳамма футболчилар формада, Ковачич ва Родридан ташқари. Родри яхши ривожланиш кўрсатяпти. Унинг сўнгги кичик жароҳатидан кейин уч ҳафта ўтди. Унинг қайтадан жисмоний ва психологик жиҳатдан барқарорликка қайтиши учун вақт керак,” — деди Гвардиола.

“Ньюкасл” – “Манчестер Сити” учрашуви 22 ноябр куни, Тошкент вақти билан 22:30 да старт олади.