“Манчестер Сити” бош мураббийи Хосеп Гвардиола матбуот анжуманида ўз карьераси давомида бошқарган футболчилар орасида Бернарду Силванинг ўрни ҳақида фикр билдирди.

“У — энг яхшилардан бири. Топ-даражада. Жуда юқори сифат. Бернарду ҳаммасини қила олади. У гол ёки ассистлар бўйича энг юқори ўринларда турмаслиги мумкин, лекин у жамоага ва ўзига статистикага кирмайдиган жуда қимматли нарсаларни беради.
Унинг жамоага қўшадиган ҳиссаси ўйинларни ютишда беқиёс аҳамиятга эга. У, албатта, мен бошқарган футболчилар орасидаги энг зўрлардан бири,” — деди Гвардиола.

Бернарду Силва “Сити” сафида 2017 йил ёзидан бери ўйнаб келмоқда ва Гвардиола тизимидаги энг универсал, ишончли ва техник жиҳатдан мукаммал футболчилардан бири сифатида эътироф этилган.