Франциянинг "ПСЖ" клуби "Барселона" марказий ярим ҳимоячиси Гавини қўлга киритиш режасидан воз кечмаяпти.
L'Equipe хабарига кўра, парижликлар бош мураббийи Луис Энрике 21 ёшли испаниялик футболчи ҳозирда сурункали жароҳатлар билан қийналаётган бўлса-да, у Париж жамоасида ўзини энг ёрқин формасини тиклай олишига ишонмоқда.
"Барселона"нинг молиявий талаблари бу трансферга катта тўсиқ бўлади. "Кўк-анорранглилар" ўз тарбияланувчиси учун 2030 йилгача мўлжалланган шартномада 1 миллиард евро товон пули белгилаган.
Ҳозирда тиззасидаги жароҳатини даволаётган Гави келаси йилнинг март ойида сафга қайтиши кутилмоқда.
У каталонияликлар учун жами 155 та ўйинда 10 та гол уриб, 18 та голли узатма берган.
