Fransiyaning "PSJ" klubi "Barselona" markaziy yarim himoyachisi Gavini qo‘lga kiritish rejasidan voz kechmayapti.

L'Equipe xabariga ko‘ra, parijliklar bosh murabbiyi Luis Enrike 21 yoshli ispaniyalik futbolchi hozirda surunkali jarohatlar bilan qiynalayotgan bo‘lsa-da, u Parij jamoasida o‘zini eng yorqin formasini tiklay olishiga ishonmoqda.

"Barselona"ning moliyaviy talablari bu transferga katta to‘siq bo‘ladi. "Ko‘k-anorranglilar" o‘z tarbiyalanuvchisi uchun 2030 yilgacha mo‘ljallangan shartnomada 1 milliard yevro tovon puli belgilagan.

Hozirda tizzasidagi jarohatini davolayotgan Gavi kelasi yilning mart oyida safga qaytishi kutilmoqda.

U kataloniyaliklar uchun jami 155 ta o‘yinda 10 ta gol urib, 18 ta golli uzatma bergan.