Ёзги трансферлар учун "Ливерпуль" деярли 500 миллион евро сарфлади. Мерсисайдликлар яна трансфер бозорида пул сарфлашни давом эттиришга тайёрга ўхшайди. Бу борада "қизиллар" бош мураббийи Арне Слот изоҳ берди.
"Қишки трансферлар? Мен бу саволни кутмаган эдим, чунки январгача ҳали жуда кўп ўйинлар бор. Бу мен ўйлаётган охирги нарса. Эҳтимол, директор Хьюз бу ҳақда ўйлаётгандир, лекин мен учун ҳозир бу мавзу эмас.
Бизда учта марказий ҳимоячи бор, у ерда Гравенберх ва Эндо ҳам ўйнаши мумкин. Балки эътибор бермагандирсиз, лекин бизда бошқа позициялар кўпроқ саволлар туғдириши мумкин," - деди Слот матбуот анжуманида.
"Ливерпуль" айни дамда АПЛ жадвалида саккизинчи ўринда бормоқда.
