"Челси" ҳимоячиси Аксель Дисаси бу мавсумда ҳали асосий жамоада ўйнамади. 27 ёшли футболчининг ҳолати ҳақида "аристократлар" бош мураббийи Энцо Мареска гапирди.
"Мен Дисаси ва Стерлинг "Челси" футболчилари эканини кўп марта айтганман. Аксель иккинчи жамоага, ёш ўйинчиларга ёрдам беради. Терма жамоалар ўйинларидаги танаффус пайтида Аксель асосий таркиб билан машғулотларда қатнашди, лекин фақат бир марта. Ҳозир у иккинчи жамоага ёрдам бермоқда. У "Челси" футболчиси ва иккинчи жамоада," - деди Мареска жума кунги матбуот анжуманида.
"Челси" ҳозирда Англия чемпионати турнир жадвалида учинчи ўринда бормоқда.
