Англиянинг «Манчестер Юнайтед» клуби ҳужумчиси Хавьер Эрнандесга Испаниянинг «Валенсия» клуби қизиқиш билдирмоқда. Бу ҳақда «Inside Spanish Footbal» нашри хабар тарқатди.
Манбанинг маълум қилишича, испан клуби 25 ёшли футболчини тез орада «Тоттенҳэм»га ўтиши кутилаётган Роберто Солдадонинг ўрнига муносиб номзод сифатида кўрмоқда.
«Валенсия» ўтган мавсумда ҳам футболчини сотиб олишга ҳаракат қилган, бироқ бу иш амалга ошмай қолганди. Бу сафар «кўршапалаклар» футболчини кейинчалик сотиб олиш шарти билан ижарага олиш ниятида.