Миланнинг "Интер" клуби ярим ҳимоячи Хакан Чалханўғли билан музокаралар ўтказишни режалаштирган.

"Нерадзуррилар" вакиллари Рождество арафасида 31 ёшли футболчининг агенти билан учрашув ўтказади, дея хабар бермоқда FcInterNews. Тахминларга кўра, клуб туркиялик хавбекка маошини қисқартирган ҳолда шартномани 2028 йилгача узайтиришни таклиф қилади.

Хакан Чалхонўғлининг амалдаги меҳнат шартномаси 2027 йилнинг ўрталарига қадар мўлжалланган. Жорий мавсумда футболчи Кристиан Киву жамоаси сафида барча мусобақаларда 13 та ўйин ўтказиб, олтита гол урди ва учта голли узатмани амалга оширди. Футболчи 2021 йилдан бери "Интер" шарафини ҳимоя қилмоқда.