Дортмунднинг "Боруссия" клуби ҳужумчиси Карим Адейеми 2026 йилда жамоасини ўзгартиришга тайёр. 23 ёшли футболчига "Манчестер Юнайтед", "Барселона" ва Миланнинг "Интер" каби гранд клублари қизиқиш билдирмоқда.
Бироқ, инсайдер Фабрицио Романонинг сўзларига кўра, немиснинг А Серияга кўчиб ўтиши даргумон. Италия клублари - жумладан, "Интер"га бундай қимматбаҳо келишувни амалга ошириш қийин бўлади. Айни пайтда "нерадзуррилар" билан музокаралар олиб борилмаяпти. Адейеми вариантларни ўрганмоқда ва аллақачон агентини алмаштирган, аммо унинг нимани афзал кўриши маълум - у ўзини Англия Премер-лигасида синаб кўрмоқчи.
Transfermarkt портали "асаларилар" юлдузининг нархини 60 млн еврога баҳоламоқда.
