"Ливерпуль" сардори Виржил ван Дейк жамоанинг жорий мавсумдаги муаммолари ҳақида фикр билдирди.
Арне Слот жамоаси Премьер-лига турнир жадвалида атиги саккизинчи ўринда бормоқда. Амалдаги чемпионлар пешқадам "Арсенал"дан 8 очко ортда қолмоқда.
"Бизнинг клубда ҳақиқатни яшириш одати йўқ. Биз натижаларни яхшилашимиз мумкинлигини биламиз ва бунга эришишнинг ягона йўли - меҳнат ва ҳамжиҳатликдир. Мен жамоамизнинг сифати ва характерига ишонишимни кўп марта айтганман, аммо биз майдонда барчасини исботлашимиз керак," - деди нидерландиялик 34 ёшли футболчи шанба куни "Ноттингем Форест"га қарши ўйин олдидан.
