Уругвай терма жамоаси бош мураббийи Марсело Бьелса ўз лавозимини тарк этишга шошилмаяпти.
Мутахассиснинг кетиши мумкинлиги ҳақида маълумот шу кунларда пайдо бўлди. 70 ёшли аргентиналик мураббийнинг шартномаси шу йил охирида тугайди ва Уругвай футбол ассоциацияси ҳамкорликни давом эттириш истагига ишончи комил эмас.
"Мен ҳали ҳам кучга тўламан ва жаҳон чемпионати арафасида Уругвай терма жамоаси билан ишлашга тайёрман. Аммо агар футболчилар менинг кетишимни исташса, бу ҳақда шахсан менга айтишсин," - дея 2023 йилнинг май ойидан буён фаолият юритиб келаётган Бьелсанинг баёнотидан иқтибос келтиради The Touchline.
Уругвай терма жамоаси Жанубий Америка саралашида тўртинчи ўринни эгаллаб, ЖЧ-2026 йўлланмасини қўлга киритди.
