"Ювентус" бош мураббийи Лучано Спаллетти клуб ҳужумчиси Кенан Йилдиз билан шартномани узайтириши мумкинлиги ҳақида гапирди.
"Мен ҳаммасини кўряпман ва эшитяпман, лекин бу билан клуб шуғулланиши керак. Биз учун Кенан - ўйинни ўзгартира оладиган футболчи. У етакчи хулқ-атворга эга," - деди Спаллетти.
Жорий мавсумда Йилдиз "Ювентус" сафида барча мусобақаларда 18 та ўйинда майдонга тушиб, 6 та гол урди ва 6 та голли узатмани амалга оширди. Кенаннинг Турин клуби билан амалдаги меҳнат шартномаси 2029 йилнинг ёзигача мўлжалланган. Transfermarkt порталида келтирилган маълумотларга кўра, футболчининг бозор нархи 75 млн еврони ташкил этади.
